حكايات عن أهم الأغاني اللي كتبها عبد الرحمن الأبنودي
كلمات أغاني من الناس للناس
من 9 سنين، رحل عننا "الخال" عبد الرحمن الأبنودي بجسده، ولكن روحه وأشعاره وكلماته لسة موجودة في أذهاننا، وبتعبر عننا في مواقف حياتية كتير. كلمات "الأبنودي" ماكنتش مجرد كلمات خيالية، ده معظمها كان مستوحى من قلب الواقع، لأنه كان بيحاول دايمًا إن كلماته تكون من الناس للناس. في الليست دي حبينا نفتكر معاكم قصص وحكايات عن أهم الأغاني اللي كتبها عبد الرحمن الأبنودي، وغناها أهم المطربين العرب.
"التوبة": السبب في خطف الأبنودي
في يوم، عبد الرحمن الأبنودي كان قاعد مع محمد رشدي وبليغ حمدي، وفجأة ظهر قدام "الأبنودي" اتنين لابسين نضارات سودا، وخدوه معاهم، وقتها جاله إحساس إنه خلاص هيُعتقل، ولما وصل اتفاجئ بعبد الحليم حافظ قدامه، وطلب منه إن أغنية "التوبة" ماحدش يغنيها إلا هو.
عبد الرحمن الأبنودي، كان بيزور الملحن عبد العظيم عبد الحق، ولما دخلت الخدامة علشان تقدم لهم الشاي، "الأبنودي" سألها: اسمك إيه يا صبية؟ قالتله: اسمي "عدوية" ومن أبنود، فالأبنودي قالها "أنتِ بلدياتي، والله لاكتب لك أغنية"، وكتبها وغناها محمد رشدي.
<iframe width="560" height="315" src="https://www.youtube.com/embed/7sNxQ84vArI?si=VIYaSUJpdomKMcmL" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
"ساعات ساعات": 15 سنة محبوسة في الدرج
رغم إن أغنية "ساعات ساعات" من الأغاني المفضلة لعدد كبير من الناس، إلا إن "الأبنودي" قال إنها فضلت 15 سنة محبوسة في الدرج لأنها كانت طويلة، لحد ما في يوم تصوير فيلم "ليلة بكى فيها القمر"، مخرج الفيلم أحمد يحيى قرأ لـ صباح كلمات الأغنية، فحبيتها جدًا وصممت تغنيها.
<iframe width="560" height="315" src="https://www.youtube.com/embed/WJWh7DAtO0w?si=wpFNyzr0HWTj2dkx" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
"بنلف في دواير": الأغنية اللي خوفت الأبنودي على بناته
لما سيناريو فيلم "أوقات فراغ" راح للأبنودي، علشان يكتب للفيلم أغنية، حس بالرعب، وقال إنه خاف على بناته جدًا، وفضل طول الليل سهران يكتب الكلام جنبهم وهما نايمين، ورشح محمد منير علشان يغنيها، ولكن في الآخر غناها مروان خوري.
<iframe width="560" height="315" src="https://www.youtube.com/embed/EgZBEYsY7GM?si=FpANUjpn6H96cFyX" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
"هيلا هيلا": أول أغنية غناها الأبنودي في "ذئاب الجبل"
أغاني مسلسل "ذئاب الجبل" كان الاتفاق اللي يغنيها هو علي الحجار، ولكن لما المخرج مجدي أبو عميرة، سمع "الأبنودي" بيردد مطلع أغنية "هيلا هيلا" بصوته، عجبه نبرة صوته الصعيدية، وصمم إن "الأبنودي" يغنيها.
دِقة نجاة الصغيرة في "عيون القلب"
حكاية أغنية "عيون القلب" بدأت عند "نجاة"، لما كانت قاعدة مع "الأبنودي" والملحن محمد الموجي، وطلبت منه إنها تغني حاجة من كلماته، وقتها "الأبنودي" عرض عليها مطلع قصيدة "عيون القلب"، ولما "نجاة" سمعتها قالتله اعتبر إني غنيتها، ما عدا كلمة واحدة وهي كلمة "تشبع"، لأن الشبع للبطن مش للعيون. "الأبنودي" حاول يلاقي بديل لكلمة "تشبع" ولكن مالاقاش، فحاول يقنعها إن مفيش كلمة أفضل منها، لحد ما غيرها بمقطع: "وأقوله حبيبي كل ما فيك حبيبي، وحلو صوتك حلو، قلبك حلو، وحتى لما تتعبني واسهرلك، سهرك حلو".
<iframe width="560" height="315" src="https://www.youtube.com/embed/CWd5IgrZugE?si=JvD0B6WkLk3ltyjn" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
احنا الشعب: الأغنية المستوحاة من أحداث حقيقية
سنة 1981، عبد الرحمن الأبنودي كتب ديوان اسمه "الأحزان العادية"، اللي كان بيضم عدد من القصائد، إلا إن الاختيار وقع على قصيدة "الأحزان العادية" المستوحاة من أحداث حقيقية، لتحويلها لأغنية اسمها "احنا الشعب"، وفي سنة 2012، فرقة "كايروكي" غنوها ولحنوها.
عن الحب والحرية اتكتبت أغنية "يونس"
الأغنية بتحكي عن "يونس" ابن أخت أبو زيد الهلالي، اللي كان أسير عند السلطان الزناتي خليفة، و"عزيزة" بنت السلطان وقعت في حبه، وطلبت منه يتجوزها في مقابل إنها تحرره من الأسر، ولكنه رفض، وقالها الحرية المشروطة ماتلزمنيش، اللي اتقالت في الأغنية "وده حب إيه ده اللي من غير أي حرية"!
- Previous Article hhhhhhhhhhhhh
- Next Article بداية مشروع إحياء المزولة الفلكية في جامع الأزهر كجزء من التراث العلمي
Related Articles
Trending This Week
SceneNow TV
Events Calendar
