تجارب ستات غزة والسودان مع الحمل والولادة وسط الحرب
لحظة ميلاد الفرح كان في حبيب رايح
لما أي ست بتعرف إنها حامل، بتكون الفرحة مش سيعاها، وبتبدأ تجهز علشان تستقبل طفلها، تجهيزات الأم بتكون كتير، من اختيار اسم الطفل، واختيارها للدكتور والمستشفى، وكمان اختيارها للبس اللي هيلبسه الطفل في أول يوم ولادة. بس النساء في غزة والسودان وضعهم مختلف! لأن ماعندهمش حتى حرية لاختيار المكان اللي هيولدوا فيه، الحرب والظروف بتجبرهم إنهم يولدوا وسط أوضاع قاسية، ومن غير أي تعقيم في المُخيمات، الحرب كمان أجبرتهم إنهم يخاطروا بحياتهم أثناء ولادتهم.
عدد كبير من النساء في غزة والسودان، حصلهم مضاعفات بعد الولادة، نتيجة لعجز في الكوادر الطبية، ونقص في الأدوية، وعدد كبير كمان منهم .توفوا أثناء الولادة لأنهم ماقدروش يستحملوا الألم! في الموضوع ده، حبينا نعرفكم .تجارب ستات من غزة والسودان مع الولادة أثناء الحرب
التجهيز للولادة
وسط الحرب في غزة والسودان، في أكتر من 6000 آلاف سيدة في الشهور الأخيرة من الحمل. التجهيزات الطبية تكاد تكون منعدمة، بسبب خروج عدد كبير من المستشفيات عن الخدمة، ووجود عجز في الأطباء والممرضين، فبتضطر السيدة الحامل إنها تولد في المخيمات، بدون أي رعاية طبية.
"أنا خاطرت بحياتي علشان أولد بنتي"
يوم 19 ديسمبر اللي فات، كنت لوحدي في البيت بغزة، وأصوات القصف كانت شغالة برة، وقتها كنا في الفجر، جالي الطلق، وكنت حاسة إني خلاص بولد والألم كان مايتوصفش، حاولت أتواصل مع جوزي بس ماكنش فيه أي شبكة، جريت على أقرب مستشفى أنا وجارتي، بس المفاجأة إن
المستشفى خرجت عن الخدمة بسبب نقص الوقود، فولدت وأنا واقفة في الشارع، وأغمى عليا بعد الولادة ونزفت كتير، وحياتي كانت هتروح.
إجلال زكي - غزة
"لو كنت أعرف إن ابني هييجي في الظروف دي ماكنتش حملت فيه"
أنا متجوزة بقالي 7 سنين، وربنا ما أرادش بالحمل على طول، ووقت ما عرفت إني حامل، طيرت أنا وجوزي من الفرحة، بس للأسف إن ولادة ابني كانت وسط ظروف الحرب والدمار في السودان، كنت مجهزة لخطط كتير أنا وجوزي علشان نحتفل بالولادة، بس الخطط كلها راحت. آية زاهر - السودان
"احنا بنقف طابور طويل علشان ندخل الحمام"
الحرب أخدت مننا حقنا في أبسط الأشياء، بعد الولادة أي ست بتحتاج تدخل الحمام كتير، وأنا بعد ما ولدت ابني، كنت بحتاج أقف في طابور طويل في المخيمات علشان أدخل الحمام، وده خلاني ماشربش مياه كتير، علشان ماضطرش أدخل الحمام كتير، فبالتالي جالي التهاب في البول والمثانة. بيسان عبد القادر - غزة
عدم توافر الفوط الصحية والحفاضات للنساء والأطفال
الفوط الصحية من الحاجات الضرورية لأي ست بعد ولادتها، سواء فوط صحية ليها أو حفاضات لطفلها، ولكن في غزة والسودان، فيه نقص كبير سواء في الفوط الصحية أو الحفاضات، وده بيسبب ضرر كبير للأم والطفل، لأنه بيأثر على النظافة الشخصية، وبيسبب التهابات وصعوبة في الحركة، وبكاء مستمر للطفل.
بسبب الخوف.. نساء يلدن قبل الأوان
الخوف والتوتر، بيأثروا على صحة السيدة الحامل، وكل ما الخوف بيزيد كل ما الضرر بيزيد ليها ولطفلها، وكمان ممكن يؤدي إن الست تولد ولادة مُبكرة. ودومينيك ألن، مسؤول الأراضي الفلسطينية في صندوق الأمم المتحدة للسكان، قال إن الأطباء بيشتكوا إن المواليد مابقوش بالحجم الطبيعي، بسبب الولادات المكبرة ونقص الغذاء للأم طول فترة الحمل.
"نقص المسكنات بعد الولادة كان بيخليني أحس إن روحي بتطلع"
المسكنات من الحاجات الأساسية لأي ست بعد الولادة، وبسبب نقص المسكنات والأدوية بشكل عام في السودان لظروف الحرب، كنت بحس إن روحي بتطلع كل يوم، وماكنتش بقدر أراعي بنتي، وكنت بشوفها بتصرخ من الجوع، وأنا مش قادرة أأكلها من شدة ألمي.
مُهرة عبود - السودان
"بيواجهنا عدد كبير من حالات النزيف بسبب عدم وجود مواصلات"
السيدات الحوامل، بيكونوا محتاجين لراحة وعدم إرهاق، خصوصًا قبل ولادتهم بأيام، ولكن ستات غزة الحوامل بيضطروا يمشوا مسافات طويلة من غزة لـ خان يونس، علشان مش لاقيين مواصلات، ولما الست بتيجي تولد، ممكن يحصلها نزيف كتير.
سحر عبد السميع – ممرضة – برنامج غزة اليوم
16 ألف أم في غزة سابوا وراهم 19 ألف طفل يتيم
هيئة الأمم المتحدة للمرأة، أطلقت أحدث نشراتها في أبريل اللي فات، عن أوضاع النساء في غزة، والنشرة وضحت إن تم ق*تل أكتر من 10 آلاف امرأة في غزة، من بينهم 6 آلاف من الأمهات، اللي البعض منهم ماتوا وهما بيولدوا، والبعض التاني اتق*تل، وسابوا وراهم حوالي 19 ألف طفل يتيم.
- Previous Article hhhhhhhhhhhhh
- Next Article Populous Unveils Eruptive Design for King Salman Stadium in Riyadh
Related Articles
Trending This Week
SceneNow TV
Events Calendar
